ყველა დიეტოლოგი თუ კვების სპეეციალისტი გვირჩევს ყურადღება მივაქციოთ კალორიების დღიურ ნორმას. განსაკუთრებით შევამციროთ ცხიმების, შაქრისა და მარილის მიღება. მათ ხომ „თეთრ სიკვდილს“ უწოდებენ. დღიური კალორიების ნორმა დამოკიდებულია რამდენიმე ფაქტორზე: სიმაღლე, ასაკი, წონა, სქესი და აქტივობის დონე. აქტიური ცხოვრების რიტმის მქონე ადამიანმა მეტი კალორია უნდა მიიღოს, ვიდრე პასიურმა. საშუალოდ 19-50 წლამდე ქალების დღის ნორმა არ უნდა აღემატებოდეს 1800-2400 კკალორიას, ხოლო მამაკაცების – 2500-32000 კკალორიას, რათა სწორედ მოხდეს კალორიების დაწვა, ორგანიზმიც არ გამოიფიტოს და არც ზედმეტი ცხიმები დაგროვდეს, აუცილებლად უნდა შევეცადოთ, არ გადავაჭარბოთ კალორიების ამ რაოდენობას!

ცხიმები

ჩვენი კვების რაციონიდან ენერგიის დაახლოებით 40%-ს ცხიმებიდან ვიღებთ. თუმცა ცხიმების 30% სრულიად საკმარისია ორგანიზმისთვის. მავნებელი გაჯერებული ცხიმოვანი მჟავა იწვევს ქოლესტერინის მომატებას და გასუქებას უწყობს ხელს. ის დიდი რაოდენობით არის ძეხვეულში, საკონდიტრო ნაწარმში, შემწვარ საკვებსა თუ შოკოლადში. შევეცადოთ კვების რაციონიდან ამოვიღოთ მსგავსი ცხიმები და მცენარეული ცხიმებით ჩავანაცვლოთ.

შაქარი

ბევრი გვსმენია შაქრის მავნებლობაზე. ის იწვევს წონის მატებას, კბილების გაფუჭებას და გულის დაავადებებსაც კი. ქალისთვის შაქრის დღიური დოზა არ უნდა აღემატებოდეს 6 ჩაის კოვზს (დაახლოებით 100 კალორიას), ხოლო მამაკაცის – 8 ჩაის კოვზ შაქარს…

მარილი

სოდიუმი ორგანიზმში სითხეს აბალანსებს. ის საჭირო ნივთიერებაა, მაგრამ ხშირ შემთხვევვაში ორგანიზმისთვის აუცილებელზე მეტ მარილის დოზას ვიღებთ. დღიური ნორმა არ უნდა აღემატებოდეს 1 ჩაის კოვზს. მარილის
75%-ს ვიღებთ მზა საკვებით, შესაბამისად გვიჭირს დოზის გაკონტროლება. შევეცადოთ მეტი უმი პროდუქტი მივიღოთ, ხილი და ბოსტნეული. ზედმეტი ცხიმები, შაქარი თუ მარილი შესაძლოა ბევრი დაავადების საფუძველი გახდეს.

ასე, რომ გვახსოვდეს, ზომიერება არის მთავარი გასაღები! ჯანმრთელობას გისურვებთ!

მანგოსა & კრევეტის სალათი